[size=5][align=center]انا ادري انكم وقفتو يوم شفتوني كاتبه الموضوع وكلكم تتهامسون وتأشرون علي
وتقولون شفوها جااااااات جااااات يالله هذي مطفوقه اللي يقولون عنها ياسبحان الله
:نعوذ بالله من الخبث والخبااااائث
8
8
8
لاتشرهون عليها تسمــــع بالمقدماااااااات هالشيـــــــفه
7
7
7
7
اقصروا وجع وش ذا الصجه
لحووووووول انتم وبزارينكم
الواحد كل ما جى بيرتاح في نهاية الاسبوع يطلعون له ذا الشياطين ينكدون عليه
دوووووب <<< صوت خبطة الكورة ..
آآآآآآآآآآآآآآه وجع حتى راسي ماسلم من تدبيجكم يالملاعين ..
انا ابي أفهم بس ذولا راضعين من أمهم والا راضعين مع ابليس .. وبعد لحظات جتني فكره وقمت من مكاني ورحت جبت المسجل من غرفتي ونزلته وشغلت اذاعة القرآن .. أختي : [color=#3300CC]وش تسوين ..؟ انا : يختي خليه زمينهم يهجدون شوي ..اختي: الله يرحم حالتس يا اختي ما هجد الا عيالنا اقول سكريه بس وخلينا نسولف ..
انا : وش نسولف من يوم قعدت معكم وانت مغير حش في خلق الله وحش في أزواجكم ..
بس ابي أفهم دام رجالكم فيهم كل هالعذاريب وش تبون بهم ؟؟ وش هو له كل وحدتن جايبتن من رجلها درزن عيال ..
اختي : ياشينتس بس وشين حكيتس .. اسمعي بس ..
انا :هاه وش عندتس..؟
اختي: شوفي ابي اقول لكم شي ..
انا وامي : وشو
اختي: ابي أدخن .
. ................... لحظه صمت تتخللها أعين متبققه وخششن فاغره
امي : وشو ..؟ وش تدخنين .. ا
نا : تدخن يعني تشرب مويه !! يمه تدخن ما تعرفين يعني وشو تدخن ؟؟؟؟
امي: نتي صادزه ؟؟؟
اختي: ايه يمه ..
امي : خير وش الطاري .. ا
ختي : ابد يمه شوفي بقول لتس شي .. انا يومني في ثاني ثانوي .. كنت دايم ادخل المجلس واشم ريحة الدخان واذا جيت آخذ لي حبه أخاف وأقعد أتنافظ وأنطل البكت همن ادززز وأنحاش ..
انا :أثرتس داشره يالتسلبه .. عنا الله آبوا ذا الوجه.. أجل ناويتن تخربينها
اختي: ايه ..
انا : بعد تقولين ايه يا فتون كخخخخخخخخخخ ..
اختي : فتون في وجهتس يا ام الخلاقين المهم ما علي منكم .. يمه ابي اشتري لي بكت ..
أمنا : انا ماعلي منتس هذا انتي وهذا اخوتس .. أ
ختي : هاه يا أخونا وش قلت ..
أخونا : لا لا لا انا مالي شغل بعد يدري أوبوي همن تطيح براسي ..
أختي : تكفى تكفى والله محد داري وما عليك ابد على مسؤوليتي .. بس قلي وش أحسن نوع .. ابي شي خفيف ..
أنا : (دوفي دوف) خفيف ورى ما تجربينه
أختي : ايه يله..
أخونا : والا تبين (ميرت) بكيفتس اللي تبين
أختي : خلاص أي شي المهم لا زم ادخن اليوم ..
أنا : وراه داخلتن مسابقه من يدخن أول(ن) ؟
أختي : أقول انتي انطمي يالسامجه ..
أنا : وجه طايرتن بوهته
ختي : بس تعال أخاف ما يبيعك راعي البقاله
أخونا : لا ما عليتس شوفي بسوي تسذا بمسك الجوال وأسوي نفسي أتصل وأقول : ألو .. هلا يبه أي دخان تبي .. ميرت .. طيب خلاص يا صديق جيب ميرت .. والهندي بيصدق ويبيعني بدون أي مشاكل
كل هالكلام دار وأمي كانت حاضره وتناظرنا بصمت وتمعن وجاءت اللحظه الحاسمه ..
ونطقت امي بعد صمت .. وانتم وش عرفكم بهالسوالف .. هاه ؟ اكيد انكم مجربين ..
انا : لا والله يمه انا ما جربت اصلا انا لو جربت بخربها وبعسل
أخوي : انتي وجهتس وجه معسل ..؟ ارفقي تكفين .. انتي اصلا من اول مزه بيطلع الدخان من عيونتس وهمن تفطسين علينا ..
انا : اقول يا الكوالا.. ورى ما تسكت ..؟ لأن بصراحه دمك ثقيل
أخوي : ثقيل! ليه كم وزنه ..؟
انا: خخخخخ ماصخه
أخوي : ماصخه زوديها ملح
انا : مانيب رادتن عليك
وطلعت لغرفتي فوق.. وفي هذه الاثناء لبست امي عبايتها بتروح تجيب أغراض من شسمه ابو ريالين
اختي : أقول لا تنسون تجيبون شسمه << عشان أخواني الصغار ما يفهمون منعووونه اختي
أنا : انتي مهبوله <<( طبعا بتقولون وشلون قلتي كذا وانتي يمنتيب معهم
بقول لكم اني كنت اطل عليهم مع الدرج وأحاول اسوي شي .. بتسألوني وش هالشي
بقول لكم كنت احاول أن ألقي بعض من اللعاب على طاقية أخوي لأجبره على تغييرها لأنه ما غيرها من شهر لدرجة ان لونها صار رمادي من النظافه
. انا: من جدتس خلاص معزمه و تبين تدخنين
أختي : ايه عادي وش فيها
أنا : اما وش فيها نعنبوا بليستس ولو درى رجلتس الطرزااان
أختي : مهوب داري ما عليتس انتي بس.
أنا : كيفتس انتي حره تبين تدخنين دخني انا ماعندي مانع ترى << الا وتسوي لها كلمه
... خطرت في بالي فكره بس مانيب قايلتها الحين الين تدخن اختي ..
وبعد ساعتين وربع تخيلو ساعتين وربع بس في ابو ريالين
. تشك<<< صوت الباب انفتح .. طاااخ <<< صوت الباب تسكر..
جانا اخوي وحنا في المجلس نتابع عدنان ولينا
.جاء يهابد وغترته تهف هف والضحكه شاقتن خشته شق ..
ناظرته بعين ثاقبه وقلت في نفسي .. ايييييه فاقن الخشه يعني أكيد بيجمركه .. حلوووو
أخونا : يله قومي ..
أختي : هاه جبته ..
أخونا ايه ..
اختي : قل قــــاء
أخونا : قــــاء..
كلهم : ههههههههههههههههههههاااي <<< بدا التحشيش المعهود منهم كأسره مترابطه في الضراء والسراء
وشالوا عمارهم ودزوا لم السطح وبعد مدري كم نزلت بقرتنا المزيونه أختي المصونه وهي تطامر مع الدرج وتنزل درجتين درجتين >> مالقيت صوره تعبر عن المعنى فياليت تشغلون هالمخوخ التنكــــه ووتخليونها
أمي : انتبهي لا تدبجين على خشتس ..
انا : أي والله همن عاد يطلقتس رجلتس ونبلش بتس ..
أختي : وجع وجع وجع لا تتفاولين علي يا البومه ..
انا : البومه والله انتي يافتون كخخخخ
كملت اختي مشيها لين وصلت جنبي .. همن قامت تدور جنبي .. وتقول هاه فيه شي ؟
أنا : شي يعني وشو ؟ ا ختي : يعني فيه ريحه
انا : ايييه ريحة دخــ.. سكرت اختي خشتي بيدها ولا قدرت اكمل الكلمه الا يوم عضيتها ..
وقالت : وجع ان شاء الله وش ذا الظروس ..؟
انا : وجه مطلع ظروسه تسنه يسوي دعاية كلوس اب
أختي : انتي مهبوله تبين تفضحيني .. انا : لا بس اذا ما تبيني افضحتس على قولتس .. عطيني عشره << كلن يمد لحافه على قد رجوله ...
أختي : طيب طيب خذي
( وكانت هذي هي الخطه الي جتني ) مشروع جديد ادفع والا ابفضحك من مشاريع عيال علي عوض مشروع ناجح
ميه في الميه
أختي : هاه فيني ريحه .
. انا : خن أشم .
. انا : اف الله يحوم تسبدتس
اختي : ليــــه..؟ انا : ريحة شعرتس دخان..
أختي : والله يعني لازم اتروش
انا : ايه تروشي وغيري هدومتس .. لأنه لو درى رجلتس بيحط اذنيه واذنيتس اربع جزاك الله خير
وطمرت اختي مثل ما يطمر الكنغر
( الكنغر = حيوان مدري هو اليف او مفترس ولكن فيه شبه كبير من
بو عنتر خصوصا على جنب << ماطري ليه طرالي احش فيك
وراحت لم الحمام تتروش
ورحت لم أخوي فوق .. ودخلت للغرفه .. قام اخوي يناظر مستغرب .. وش عندتس ..؟
انا : ابد ما عندي شي بس تسنه فيه ريحه بغرفتك ؟
أخونا : هاه ريحه ! وش ريحته ؟؟
أنا: مدري ياخي كنها ريحة دخان .
أخونا : ايه هذي بونغا ( بونغا دلع اختي التسبيره يمديكم عليه ) كانت عندي بالغرفه ودخنت فيذا ..
انا : بس هي قالت انها دخنت في السطح .. وش جاب الريحه عندك ؟
أخونا : هاه .. لحوووول يعني ما يمديني ارقع .. أنا : اعترف .. لا وش تعترف خلاص انا اصلا عرفت الحقيقه ..
أخونا : تكفين لا يدري احد ...
انا : ما علي منك تبيني اسكت عطني خمسين <<< زودنا السعر
أخونا : خذي بس فكينا من شرتس
طلعت من عند أخوي وانا مبسوطه ومستانسه وقلت خلاص كل ما بغيت فلوس بهددهم اني اعلم ابوي عليهم وبكذا
لا للتطفير بعد اليوم رحت دخلت لغرفتي وشغلت المسجل ( يا سلام ويا سلام الله ** يا حمام جر الالحاني ) وأنواع الاستنزال
ويوم طيحت اللي براسي طفيت المسجل وشغلت المكيف ونمت على سريري
( ملاحظه : نمت بالمقلوب يعني راسي بمكان رجولي ورجولي على المخده ) وجلست احلم أني صرت مليونيره
مايستفاااااااااااااد من هالقصــــــه
1.. لاتصيرين هبلا وتشربين دخان لانه مضر للصحه ولكن لو انك معزمه قوليلي وانا اساعدك بس بعشررررررره
2..إن العياااااااااااال وصخيـــــــن واللي ماعنده اخت زي مطفوقه نقدر نقول انه مضر لحياة البشريه ولازم نبلغ عنه البلديه
3.. اللي مابيرد على موضوعي يعتبر عضويته في الباي بااااااااااي
هاااااااااه انتبهو وهذا الكلام مو من عندي هذا كلام صاحب الموقع لانه شسمه صاحب الموقع يقربلي يصير عم جدي من الرضاعه واخوه يقرب لعم جدي يعني شصمــــه >> والله ماغيرك اللي بينشااااااات يالفاغره
4.. ترى احنا رايحيـــــــن حايل
خلا1ص وش تقرون حبايب قلبي خلاص افراج انتهينا من الحتوته
تحياتي : اجن مجنونه
2007-07-08, 8:14 pm
