النصيب
ابد ما جيت أبارك ولكن جيت أوصيك
على اللي ناوي تدخل بها الليله معذبتني
ترى لولا الظروف اللي عطتك وحدت محاكيك
قسم بالله ما تدخل عليها لو على رقبتي
ولكن النصيب أقوى ولا ادري ويش أسوي فيك
نعم صارت معزبتك ولا صارت معزبتي
كذا شاءت بنا الأقدار تحرمني لجل تعطيك
كذا لازم تفوز أنت اخسر بتجربتي
أنا من كثر ما اغلبها أحس إني بديت اغليك
ولا تسأل بأية حق ولا وش مناسبتي
لأنك لو بتسألني بتسمع شيء ما يرضيك
لذا خوي لا تسال ولا تسمع لأجوبتي
أبيك تحطها في داخل عيونك وبين أيديك
وهي دلوعة اعتادت على كثرة مداعبتي
فداعبها شوي شوي حتى تشتهي طاريك
وشاغبها ألين تقول لك بطل مشاغبتي
وإذا هي مالها خلقك ولا تضحك ولا تسليك
تحملها واسألها يا عمري ليه عصبتي
وبالك اسمع انك يوم تضربها وهي تشكيك
ما يحتاج أوري لك بفن الضرب موهبتي
صحيح انك بتملكها ومعك العقد بالتمليك
وأنا عارف حدود الله ومن حقك معاقبتي
ولكن قلها المجنون وصاني وهو يعنيك
يقول انه بينتظرك ولو شيب وشيبتي
وأنا مجنونها اللي ما نساها وأنت ما يمديك
تغطي ذكرياتي في هواها وربع تجربتي
أحس إني تماديت بكلامي والغضب حاديك
لو انك في مكاني ما تفكر في محاسبتي
كفاك إني تركت الليلة إشغالي عشان اجيك
دخلت القاعة برجلي ولا ادري ويش عاقبتي
وأنا ما جيت أخرب عرسك الليلة ولا اذيك
أنا جيتك عشان أخاطبك واسمع مخاطبتي
توصي وانتبه واحرص عليها والله يهنيك
ترى كل الكلام طلع من ضيقي وكبتي
ولكن ما قدرت أقوله وأنت ما يخفيك
أخاف إني إذا قلته تقوم وتقطع رقبتي
للشاعر المبدع والرائع محمد الشهري
2007-10-24, 12:42 pm
