قصه صاارت لي يووم كنت ولد هع ههههههههه هع

بسم الله الرحمن الرحيم
سلامن عليكم ورحمتن من الله وبركاته
قالو جبتآ العيد في أيام العيد قلت لا قالو اجل ماعيدت << حسبي الله عليهم ...
احس اني طولت عليكم صح عادي يامالكم من البثاره ..
والله وانا اللي لابسن هاك الثوب وطاقن ذاك الشماغ دنهل تتن ماعاد هوب شماغ وذاك الكبك والبشت <<( نصاب ) اللي لو تشوفوني فيه تقولون بيعرس ذا وماتدرون اني رايحن للثمامه << تراني بديت بالموضوع احس اني بنطق .. المهم وحنا اللي نوقف عند محطة دوار عويضه اللي بالثمامه >> صديق عبي 91 ثلاث طعش ريال صديق تسألوني ليش ماادري المهم نزل ولد خالتي شليويح الاطخم يجيب مفرحات وتتن وعطيت الهندي عيديه ريالين وحنا بالطريق شفت دبابات في مخطط من المخططات قعدت اطالع فيها بكل خبث طلعلي ذاك ابو قرون قلت لشليويح الاطخم وش رايك ناخذلنا نص ساعه نهجول فيها ونمشي لمكاننا اللي نبي نتكي فيه قال ماعندك مشكله رح بس تراني طفران قلت ماعليك ازهلها يالاطخم والله وانا اللي اوقف عند هاك الزول واسئله بكم الساعه قالي بــ 100 ريال وانا اللي تطير بوهتي قلت اقول روقنا يازول ترا الناس عيد قال هذا اخر كلام قلت سم وحركت ورحت لواحدن قصمنجي مهنا زينه قلت ياعم على كم الساعه
مسوي محترم انا ووجهي قالي بــ120 قلت لاقينا انت قالي سم ياخوي وانا الي وجهي شهب سم الله علي قلت شكله بيلعن جدفي قلت لا ان السوداني اللي جنبكم يقول بميه انتم ليه بــ120 قال اقول تبي ولا فيه غيرك بياخذ وانا اللي افحط بوجهه وامشي << مسوي قوي المهم ورحنا لواحدن اجودي وش ملحه سوداني قلتله نفس السؤال الروتيني بكم الساعه قالي بــ100 ضاق صدري قلت ونص ساعه كم قالي ستين قلت خلا ص اهوووه عطنا الدباب ركبت الدباب انا وشليويح وطارت بوهتي ليييييييه صار الدباب عادي وحنا اللي نبتلش وقعد يعلمنا ساعه ذا الزول وتوكلنا على الله ورحنا نطعس وطايرين بذا الطعوس شوي الا الكاب يطير << (اخبرك لابسن شماغ ) وحنا اللي نسحب جلنط << (والله من التسذب ) وخذينا الكاب وانا اللي اقول لشليويح حطه بشليلك عاد لو تشوفون ذا العراد اللي فوق راسي ان تنهبلون شجره ترنج ماعادهوب شعر المهم وانا اللي اقزلكم هاك البنيات سافطين اهلهم وفارشين زواليهم وقاعدين يعسلون شكلهم ماهم من اهل الرياض وانا اللي اروح اتميلح عندهم انا وذا الاطخم جاين طايرين من عندهم وفيه طلعه طمرتها مسوي بستعرض وخقو البنيات معني انا وذا الاطخم وجازلي الوضع ولقيت طلعه وصار اللي ماتوقعناه صارت طلعتن قويه وحنا اللي نطير فوووق هام السحب وجيت على وجهي انا وذا الاطخم والبنيات يضحكون علينا عاد شليويح عطااهم نضره ارتاعو البنيات مساكين الدباب طفا ومانعرف نشغله المهم بعد محاولاتن (جما )<< متعوب عليها ذا الكلمه .. المهم شغلنا الدباب وقالي ذا الاطخم ابيك ترفع الدباب على كفرين قلت له تراني مااعرف معودك انا على الدبابات انت وخشتك قال معليك تراها سهله قلت وش لون قال علق على البانزين وعشق قلت بس قال ايه قلت ازهلها يالاطخم انا قلت ازهلها بس سويت اللي قالي ويوم عشقت وانا اللي اشوف السما وجينا على ورا وطبيت بحوض بطن ذا الاطخم طلع صوت بس مدري وشو والبنيات فطسو علينا من الضحك المهم قلت لذا الاطخم ماعقب اللي صارلنا تميلح وانا ولد خالتك مشينا من عندهم ونطالعهم بنضرات استحقار << (ياشيخ ).. وطلعنا على المخطط ونشوف ذا اللي يفحطون وقالي ذا الاطخم ابيك تسوي حركه تخقق كل الشباب اللي هنا قلت ابشر بسعدك وجاين امشي مافي بطن الدباب وكل اللي في المخطط يطالعون يقولون وش عنده ذا المهم فيه بريكين واحد للكفرات اللي قدام وفيه للي ورا من القراده اللي فيني لفيت وسحب الفرامل حق الكفرات اللي قدام انا سحبته بس وحنا اللي نجي على منطقه مالها داعي قعدنا نطامر وانواع الشرار وجو ذا العالم سلامات سلامات وركبنا الدباب وماش الى الحين في خاطري شي وانا اللي اديور واجيكم امشي مليون بالدباب <<( مايتوب ) ويطلعلي دلخ من الدلوخ عاد انا اصارخ اقوله وخرررررررررررررر يوم شفت ان الدعوه مافيها ( تنحي ) << تراني قعدت سنه اتهجاها مدري عاد اذا هي صح ولا غلط .. المهم لفيت عن ذا الدلخ وانا ساحبن الجلنط وماتردني الا نخلتن يحبها قلوبكم وذا اللي في الشارع متمزعين من الظحك طاح اللي في راسي ورجعنا الدباب للزول وركبنا السياره وحركنا للعاذريه وصفطنا عند طعس الفنجال ونضحك على ذا المهبل المهم مدري وش جاني وتهيضت وقلت لازم ارقى ذا الفنجال الاطخم يقولي مسوي معك جيب انت ترا معك كامري ياغبي قلت اقول اها بس ماضر الاولين والله وانا اللي انسم الكفرات واقرا اية الكرسي واسمي بالله واحطها بأول وكلن متحمس يقول خانشوف ذا وش عنده وارفع رجلي عن الكلتش وغرزت بمكاني ياليل ام الفشيله طاح وجهي وكل يضحك علينا حتى شليويح قلب علي الشكوى لله مالي الا الاجر المهم ويوقف عندي راعي جيب ويطلعني ورايح للبيت تافلن العافيه انا وذا الاطخم افلام تسثيره صايرتن لنا ورحنا ونمنا وعينا من الله خير وقمنا وطلعت انا وذا الدلخ وماامداني محرك من الشقه الا وذاك الحمار اللي يصدمني ويدخل بيباني وانزل انحاش حسبي الله عليه << ... وجا المرور وخلصت السالفه << باللهي بلاكم ماتدرون وش لون جا الحادث .

مقتطفاتن من الحتوته :
1_ ياكثر ماقلت المهم .
2_ لجيتكم بذا الاطخم .
3_ تراها صدز .
4_بس هالمره جاملوني اول موضوع احطه فيذا << عسى ماتكلفت بس
5_ الحمد لله ماعندكم قسم للمواضيع السامجه والماصله .
(وسلامتكم ) من اختكم ( نمولة هع )

هـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــع

يسلممممووووووووووو ياووووولد >>بس اليوم

دمت ..

تحياتي..

مشكوووووووووره خيه على الموضوع الحلوا