طــــــــرائف الشعــر.... ((رووووعه))

طــــرائف الشـــعر


السلام عليكم ورحمة الله وبركاته

جمعت لكم كم قصيده من طــــرائف الشـــعر وإن شاء الله تعجبكم




لا تسأليني ليه طبع العرب غير .... لا تسأليني وين عصر الصحابه

صارت ثقافتنا مظاهر وتزوير .... نرقص مثل جاكسون ونلبس ثيابه

نشري الحضارة بالذهب والدنانير .... ياويلنا لاسكر الغــرب بابه

كم واحد بيبدل البنز ببعير .... ويبدل الدســكو بصوت الربابه
مبارك الهاجري



________________________________________


انا عــجوز مطلقة وأم ورعان ... وايضا مــدام وآنس وعانس

انا بدوية وعايشة عند حضران ... وبنت البحر وابوي زارع وغارس

أمية ماتعرف حــروف والوان ... وتلميذة دشت جميع المـدارس

خلوني اعيش العابرة دون عنوان ... طيف يمر بلا رقابة وحـارس
عابرة سبيل



_____________________________

عمره وصل خمسين ماذاق قرصان ... ولا ناظر المرقوق وسط البوادي

يدربي كرشه ويزنت بليهان ... وان قلت له وين انت به قال غــادي

ماهو بمثل اللي مر دكان ... شرى طحينيه وخبز وزبـــادي
سليمان البخاري


الـــــــــــــــــــرد

حي الكلام اللي منقيه فنـان ... اللي بتكريم البشـاور ينادي

زدني نهم زدني عطش زدني ادمان ... زدني كسل زدني جهل بالنـوادي

بكيت متأثر وغنيت طربان ... ياريحة العنبر ســـرت في فـــــؤادي

اسمك لنا ياطيب الفال عنوان ... مثل العلم بين الحضر والبـــوادي

خلك بشانك واترك الناس تشتان ... بالضغط والسكر ونم وانت هــادي

لين اتغدي كنك دعايات ميشلان ... ماعاد تقدر تلتـفت للمنـــادي


_______________________________________

ضيدان ماودك نشكل عصابة ... نحتل بعض بنوكها والمحلات

ام يجي لي ولك قدر ومــهابه ... والا تبـــيـتــنا بيات الشريفات

والرجل ودك يشتهر في شبابه ... بالطيب والا بالعــلوم الرديات

ولا يهتـني ف اكله ولا في شرابه ... الين تطلع صورته بالمجلات
سعد بن عبدالله الهتلاني العجمي


الـــــــــرد

لا تحسب انا ياسعد وسط غابه ... هاللي تراوى لك تراهن عمــارات

وموضوعك اللي جبت كله غرابه ... والظاهر انه سابع المستحيلات

واخاف لاتـنبح عليك الكلابه ... ثم هات نسلم من مخاليبها هـــات

يابوك ماعمري دخلت النيابه ... ومن العمر مابقى كثر مافــات

وان كان تبغي الرأي قبل يغدا به ... من واحد جرب جميع الحيلات

خل الخطب للي يعرف الخطابه ... نهارنا شمس وفي الليل لمـبات
ضيدان بن صبحان العجمي



_______________________________________

ياراكب من عندنا فـــوق سمبوك ... متوجه صوب المنــــامه بشايب

مع البحر كنك على القار ف بيوك ... يلحق ويفهق مسرعات الهبايب

وان طحت في خفر السواحل وردوك ... دارك على عود من الحول ذايب

وان باركوا لك بالسلامه وهنوك ... لك في الدلاله ياابن الاجواد نــايب

ترى خويك كان من قبل صعلوك ... ويدل حتى موحشات الخـــرايب

وصحيح لو تنشد هل الدار دلوك ... واهل الوفــا ماعابهم ربع عايب

ويامقدرين الضيف لو مامعه بوك ... باخلاقكم صارت ثمان عــجايب

وارجوك انا ياصاحبي وارجع ارجوك ... اياك تنسى انك مودي وجايب

رجــع لنا خريج بومبي وبانكوك ... وخلك على الزله بعيد الحضـايب
سعد بن عبدالله العجمي


الـــــــــــرد

اخطوا عليك اللي بها الاسم سموك ... اسمك سعد وانت السعد منك غايب

والظاهر ان اهلك على العنف ربوك ... وطلعت تبحث للنشب والطـلايب

وظلمت حظك مااشين الظلم يابوك ... وهجيت عود عن هل الــغي تايب

ماتدري اني صرت هادي ومبروك ... وعلي تــثـني عمتي والنسـايب

وان شفت ديواني على طول مصكوك ... اطرد ورا حظ ورزق نهــايب

وحتى انت تــنغزنا مع الحكي بالشوك ... ياهي علينا من كبار العقـايب

ضيدان بن قضعان العجمي

تحياتي : اجن مجنونه